კამპანიის ,,თაობა მომავლისთვის“ ფარგლებში, რუსთავის კერძო და საჯარო სკოლების მოსწავლეებთან შეხვედრები გრძელდება.
რუსთავის მერი ნინო ლაცაბიძე ამჯერად, მე-16, მე-14 და 1-ელი საჯარო სკოლების მოსწავლეებს შეხვდა.
შეხვედრებს, ქალაქის მერთან ერთად, რუსთავის საკრებულოს ფრაქცია ,,ქართული ოცნების“ წევრები, საკალათბურთო კლუბის ,,რუსთავი“ მწვრთნელი ანატოლი ბოისა, საფეხბურთო კლუბ ,,რუსთავის” გოგონათა გუნდის ხელმძღვანელი ნინო პასიკაშვილი და მერიის ახალგაზრდული დეპარტამენტის ხელმძღვანელი ანელი ჩხარტიშვილი დაესწრნენ.
კამპანიის მიზანი, რუსთავის განვითარების პროცესში, ახალგაზრდობის ჩართულობის გაძლიერება და მნიშვნელოვანი პროექტების მათთან ერთად დაგეგმვაა.
,,თაობა მომავლისთვის” ფარგლებში, ანალოგიური შეხვედრები, რუსთავის ყველა კერძო და საჯარო სკოლაში გაიმართება.
